63 KA MGA PROYEKTO BALOR P446M SA MIAGING ADMINISTRASYON NATIBAWAS NI MAYOR KLAREX UY

Mokabat sa 63 ka nagkalain-laing mga proyektong imprastraktura balor ogs sobra P446 milyones nga gisugdan sa miaging administrasyon apan natibawas panahon sa pamunoan ni City Mayor Rolando ‘Klarex’ Uy.

Kini ang gibutyag ni City Engineer Joel Momongan atol sa programang, ‘Inyong Alagad’ adlaw’ng Biyernes, Abril 11 ning tuig.

Sa maong gidaghanon sa mga proyekto nga nakompleto, 32 niini ang road concreting, opening, reblocking ug widening projects (P140,999,972), samtang 12 ang flood control projects (P48,281,191), 12 ang various projects (P84, 885,601), lima ang water system projects (P8,895,803.76) ug duha ang school building projects (P139,998,778).

Si Engr. Momongan namahayag nga gitamod ni Mayor Klarex ang ‘principle of continuity’ sa pagpatuman sa mga proyekto, busa walay duha-duha nga gipadayon niini ang wala nahuman nga 126 ka mga proyektong imprastraktura nga nabilin sa miaging administrasyon. (CIO)