MI GRADWAR NA ang mi kabat sa 75 ka mga beneficiaries sa scholarship initiative ni 1st District Cong. Lordan Suan nga nag tungha sa AMHARA Technical Training Institute, Inc. asa sila naka kat-un sa mga pamaagi sa pag luto ug pag padagan sa negosyo sa kusina.
Gi representaran isip commencement speaker si Suan sa iyang Assistant District Director nga si Bert Amplayo, kinsa namulong bahin sa kamahinungdanon sa edukasyon nga labing maka tabang sa mga tinun-an nga ma haw-as ang ilang kaugalingon gikan sa kakulangon sa oportunidad.
Si Amplayo nagkanayon nga libre ang pag tungha sa mga estudyante bisan paman nga aminado gayud ang mga mi gradwar nga wala silay na gasto sa ilang pag eskwela uban sa pag pasalamat kay Cong. Lordan Suan sa gihatag niini nga talagsaung kahigayonan alang kanila.
Butyag pa ni Amplayo, sa susamang okasyon, gipang apud-apud usab niini ang mga kagamitang pang luto sa mga estudyante aron sila gilayong maka sugod sa ilang mga tinguha nga sudlan ang industriya sa pag pangluto bisan paman nga aminado usab ang presidente sa tunghaan nga si Marilou Rabe nga daghan na sa ilang mga estudyante ang aduna nay trabaho o nag hulat ang trabaho human sa ilang kurso, butang nga dako nilang gika pasalamat kay Cong. Lordan Suan.
Comments