Klarex News:120 INFORMAL SETTLER FAMILIES NAHATAGA’G YUTA SA SYUDAD

MOKABAT 120 ka pamilya nga taga Barangay Tignapoloan ang nahatagan og yuta ubos sa administrasyon ni Mayor Rolando `Klarex’ Uy ilawom sa socialized housing project sa syudad pinaagi sa City Housing and Urban Development Department (CHUDD).

Usa ka ceremonial turnover ang gipahigayon bag-ohay lang didto sa Brgy. Tignapoloan diin didto nahimutang ang luna nga gipanag-iya sa syudad nga adunay total area 11,156 sq. meters.

Si CHUDD acting department manager Cesar Pagapula-an Jr., mipasabot nga ang mga benepisyaryo natumbok gayud nga mga informal settler families (ISFs) basi sa pag-facilitate sa mga barangay officials pinangulohan ni Punong Barangay Nancy Aban.

Gi-profile ug gi-validate usab sa CHUDD ang mga benepisyaryo diin nasuta nga tinuod sila nga mga ISFs sa Brgy. Tignapoloan.

Si Majority Floor Leader City Councilor Edgar Cabanlas ang miduso sa maong proyekto ug giuyonan sa 20th City Council. (ALR/CIO)