Lipay, ilabina ang kabataan sa dihang mi bisita si Cong. Lordan Suan kagabie sa Barangay Balulang covered court asa temporaryong gipahimutang ang mga na biktima sa sunog diha sa Lower Manggahan sa nasangpit nga barangay.
Matud pa ni 1st District Director Bert Amplayo nga human gipa panihapon ni Suan ang mga pamilyang biktima, iya kining gi hinabi ug gi dunolan sa hinabang aron sila hinay-hinay nga maka bangon gikan sa ilang kahimtang.
Mahibaluan nga si Kongresista Suan mi tanyag sa pinansyal nga hinabang diin mo hatag syag balor 10k ka pesos alang sa matag panimalay nga nasunogan, gawas pa niana, aduna usab dugang nga 10k ka pesos matag pamilyang biktima pinaagi sa AICS lakip na ang uban pang social services sama sa tambal ug medical nga panginahanglan.
Dugang pa ni Amplayo nga sa maong okasyon, anaa usab ang presencya sa ubay-ubay ka mga kapitan gikan sa nagkadaiyang barangay asa sila nakig duyog ug mi padangat sa ilang suporta ug hinabang uban ni Suan ngadto sa mga biktima.
Comments