Oca Nakipaghinabi Sa Mga Youth Leaders

Ni Mona Lagbas

Abril 12, 2025, Cagayan de Oro City_Apil sa iyang gibarugan nga inclusive governance sa iyang pagbalik isip mayor sa dakbayan, si Attorney Oscar Moreno nakipaghinabi sa mga youth leaders nga nagagikan sa USTP, Liceo de Cagayan University, COC-Phinma ug Lourdes College.

Tipik sa mga issues and concerns sa maong sektor nga gipaabot nila kang former mayor Oca ug sa Team Padayon OSM mao ang pagsuporta sa mga out-of-school youth, public safety, pag-gahin ug mga study places ug mga luag nga mga sidewalks, mga inisyatiba sa pagpreserbar sa kinaiyahan, scholarships alang sa mga 2nd, 3rd ug 4th year nga mga magtutungha sa kolehiyo ug kaayuhan sa mga PWDs.